خوداعتمادی .

-
یوں تو قدرت نے ہرانسان کے اندر مختلف صلاحتیں پیدا فرمائی ہیں اور ہرایک انسان کا ان صلاحیتوں کو بروئے کار لانے کا انداز مختلف ہوتاہے۔کچھ ان صلاحیتوں کا بھرپور استعمال کرتے ہیں جبکہ کچھ لوگ انکا واجبی سا استعمال کرتے ہیں۔ اس کی مختلف وجوہات ہیں۔ 1۔خودفہمی کا فقدان جی ہاں بہت سے لوگ اپنے اندر چھپی ہوئی مخصوص صلاحیتوں کا ادراک وعلم ہی نہیں رکھتے 2۔عدم ضرورت۔ بعض لوگوں کو اپنی مخصوص صلاحیت یا صلاحیتیں آزمانے کاموقع یا ضروت ہی پیش نہیں آتی جس کی وجہ سے یہ لوگ اپنی صلاحیتیں پرکھ نہیں سکتے 3۔کم ہمتی یا خوف۔ تیسری اہم وجہ کم ہمتی اور کچھ غلط ہونے یا لوگوں کےمنفی ردعمل کے خوف سے اپنی صلاحیتوں کا اظہار نہ کرنا ہے ۔ان کے علاوہ دوسری بہت سی وجوہات بھی ہوسکتی ہیں لیکن یہ بہت اہم وجوہات ہیں اوراگر دیکھا جائے تو یہ سب خوداعتمادی کے فقدان کے ذیل میں آتی ہیں۔اگر ایک انسان کے اندر خود اعتمادی ہو تو وہ کہیں نہ کہیں اپنے اندرچھپی ہوئی خداداد صلاحیتوں کاادراک و اظہار کرسکتا ہے ۔
خوداعتمادی کے بارے میں مختلف ماہرین نفسیات اور دانشوروں نے بہت ساری کتابیں لکھیں ہیں ۔نوجوانوں کو خواعتمادی بڑھانے اور اپنے اندر موجود خداداد صلاحیتوں سے استفادہ کرنے کے لیے اس موضوع پر لکھی گئی کتابوں کا ضرور مطالعہ کرنا چاہیے۔ والسلام۔ 

تبصرے

ایک تبصرہ شائع کریں

اس بلاگ سے مقبول پوسٹس

کلین پاکستان اور ہمارا معاشرہ

-
کچھ عرصہ قبل ہمارے وزیراعظم صاحب دستانے پہنے ہاتھوں سے ایک ایسی سڑک پر جھاڑو بیٹ کے انداز میں پکڑکر کلین پاکستان مہم کا آغاز کرتےہوئے نظر آئے جس پر شاید خوردبین کی مدد سے بھی کچرہ نظر نہ آئے۔ وزیراعظم صاحب نے صفائی مہم کا آغاز کیاکیا اچھے بھلے لوگ جو ایک قدم بھی زمین پر رکھنا اپنی شان کے خلاف سمجھتے ہیں ملک بھر کی گلی کوچوں میں فوٹوسیشن کی حد تک ہی سہی دوگز لمبا جھاڑواپنے نرم ونازک ہاتھوں میں تھامے خاکروبوں کے شانہ بشانہ صفائی کرتے ہوئے نظر آئےکہ خاکروبوں کو بھی پہلی بار اپنے پیشے کی عظمت کا احساس ہوا اور وہ اپنی قسمت پر ناز کرنے لگے۔ ہم نے سوچا شاید اب ہمارے کپتان پاکستان سے گندگی کوبالکل اسی طرح کلین بولڈ کریں گے جس طرح وہ مخالف بیٹسمین کو آوٹ کرتے تھے۔لیکن یہ محض ہماری خام خیالی ہی ثابت ہوئی۔یہ مہم چندروز کے بعد اپنے اختتام کو پہنچی اور جگہ جگہ گندگی کے ڈھیر دوبارہ سرابھارنے لگے اور کھلا چیلنج کرنے لگے کہ روک سکتے ہو تو روک لو۔ہم لوگوں نے ایک عجیب و غریب طریقہ اپنایا ہوا ہے۔وہ کام جو روزانہ اور مستقل مزاجی سے کرنے ہوتے ہیں لیکن ہم ان کوانجام دینےکے لیے خاص مواقع مقرر کئے ہوئے ہیں ۔...
مزید پڑھیں

سال نو مبارک

-
ھماری زندگی کا ایک اور سال ختم ہونے جارہا ہے اور ایک نیا سال شروع ہونے کو ہے ۔ہمیشہ کی طرح جب یہ سال شروع ہوا تھا تو بہت سی حسرتیں اور امیدیں اپنے ساتھ لایا تھااور کئی ادھورے خواب پورے کرنے کی امنگ لیکر آیا تھا لیکن کتنی حسرتیں ،کتنے خواب پورے ہوئے اورکتنی حسرتیں اور خواب پورے نہ ہوئےاگر جائزہ لیاجائے تو ہرانسان کی کیفیت اس لحاظ سے مختلف ہوگی ۔کچھ لوگ زیادہ کامیاب رہے ہوں گے تو کچھ ناکام رہے ہوں گے۔دوستوں زندگی اسی کانام ہے ۔ایام،ماہ وسال تو زمانے کے پیمانے ھیں  ۔ورنہ زمانہ تو رواں دواں ہے ازل سے لےکر ابد تک۔ لہذاہمیں اپنی زندگی میں معاشرے کے لیے فعال کردار ادا کرنا چاہیے۔کیونکہ زندگی تو ہرحال میں گذرہی جاتی ہےلیکن اگر ہم کچھ اچھے کام کرجائیں گے تو آنے والے لوگ ہمیں اچھے الفاظ سے یاد کریں گے۔ آپ سب کو آنے والا سال بہت بہت مبارک ہو ۔دعا ہیکہ 2019 آپ کے لیے ڈھیر ساری خوشیاں لائے۔آمین۔
مزید پڑھیں

والدین کے لیے بہترین مشورے Best suggestions for parents

-
1 سے 12 سال تک کی عمر کے بچوں میں کِن مہارتوں (skills) پرکام ہونا چاہئیے؟ ــــــــــــــــــــــــــــــــــــــــــــــــــــــــــــــــــــــــــــــــــــــــ علم و آگاہی، تدبیر، اور حکمتِ عملی سے کام لیا جائے تو بچّے کے دماغ کی وائرنگ میں وہ ضروری tools انجیکٹ کئے جا سکتے ہیں جن کی بچے کی دنیا میں دستیابی اُس کی دنیائے اکیڈیمکس یعنی تحصیلِ علم کے سفر میں اُس کی کامیابی کو یقینی بنا ڈالے گی۔ نِیز، عملی زندگی میں بھی۔ بچہ گھر میں ہے یا سکول میں، یہ وہ پانچ بڑے زون یا areas ہیں جن پر کام کرنا ہوتا ہے: 1- ادراکی نشونما Cognitive Skills 2- سماجی/معاشرتی یعنی دوسروں سے ہم ربط ہونے، اُن سے گھل مل کررہنےکی تربیت Social Skills -3 لینگویج سکِلز یعنی چاروں: پڑھنا، لکھنا، سننا اور اظہار کرنا 4- فائن موٹر سکِلز Fine Motor Skills 5- گراس موٹر سکِلز Gross Motor Skills اِن میں سے ہر skill کی عمدہ لرننگ اِس طور ممکن ہے کہ عمر کی ہر سطح پر ماہرین کی طرف سے تجویز کردہ الگ الگ activities کرانے کا اہتمام کیا جائے۔ ایک سال کی عمر، دو سال، تین سال، چار سال ۔۔۔ ہر سطح پر پہلے سے ...
مزید پڑھیں